📣 ვნებითი გვარის ყველაზე მარტივი ახსნა

იმისთვის რომ ვნებითი გვარი აწარმოოთ, გჭირდებათ ერთადერთი და უმარტივესი ფორმულა, to be ზმნა უნდა ჩავსვათ შესაბის დროში და უნდა დავუმატოთ ზმნის მესამე ფორმა. რას ნიშნავს to be ზმნა უნდა ჩავსვათ შესაბამის დროში? თუ წინადადება არის present simple-ში to be - ზმნაც უნდა ჩავსვათ ამავე დროში, თუ წინადადება არის future simple-ში to be - ზმნაც უნდა ჩავსვათ future simple-ში.

იმისთვის, რომ რამე გაუგებარი არ დარჩეს გავიმეოროთ to be - ზმნის ფორმები სხვადასხვა დროებში. Present simple-ში როგორც ვიცით to be - ზმნის ფორმებია, am/is/are, present continuous - ში am/is/are being; present perfect - ში has/have been; past simple-ში was/were; past continuous - ში was/were being; Past perfect - ში had been; ხოლო future simple-ში will be.

ახლა როცა უკვე ვიცით, to be - ზმნის ფორმები, ვნებითი გვარი საკმაოდ მარტივად შეგვიძლია ვაწარმოოთ. მაგ. I wrote a book. წიგნი დავწერე, მოცემული წინადება არის აქტიურ გვარში, თუ მინდა რომ ის ვნებით გვარში გადავიყვანო, book - უნდა გადმოვიტანო წინადადების დასაწყიში, შემდეგ გამოვიყენო აღნიშნული ფორმულა to be ზმნას + ზმნის მესამე ფორმა და სულ ესაა. იქიდან გამომდინარე, რომ მოცემული წინადადება past simple-შია, to be - ზმნაც ამ დროში უნდა ჩავსვათ. The Book was written by me. სულ ეს არის.  

განვიხილოთ კიდევ ერთი მაგალითი. I have found my phone. ჩემი ტელეფონი ვიპოვე. პირველ რიგში my phone-ს გადმოვიტანთ წინადადების დასაწყიში, to be - ზმნას ჩავსვავთ present perfect-ში, რადგან წინადადებაც ამ დროშია მოცემული და გამოვიყენებთ ზმნის მესამე ფორმას. My phone has been found by me.

თუ წინადადებაში მოდალური ზმნა გვაქვს მაშინ, მოდალურ ზმნას დავუმატებთ be-ს და შემდეგ ზმნის მესამე ფორმას, დააკვირდით, რომ ვუმატებთ be-ს და არა to be-ს. მაგ. The roof of the house must be repaired. სახლის სახურავი უნდა შეკეთდეს ანუ აუცილებელია რომ შეკეთდეს.   

ალბათ შეგიმჩნევიათ, რომ წინადადებებში რომლებიც ვნებით გვარშია, ზოგჯერ გამოყენებულია by - ზოგჯერ კი არა. by- ს არ ვიყენებთ სამ შემთხვევაში, 1. როცა არ ვიცით ვინ ასრულებს მოქმედებას. მაგ. Her ring was stolen - ბეჭედი მოპარეს, არ ვიცით ვინ მოპარა. 2. როცა არ არის მნიშნველოვანი თუ ვინ ასრულებს მოქმედებას, მაგ. New Houses are built - ახალი სახლები შენდება. 3. ისედაც აშკარაა ვინ შეასრულა მოქმედება. მაგ. თუ ვიტყვი, რომ Hamlet was written centuries ago, ჰამლეტი საუკუნეების წინ დაიწერა. და არ დავაკონკრეტებ რომ შექსპირმა დაწერა, პრობლემა არ იქნება, რადგან ისედაც აშკარაა და ყველასთვის ცნობილია, რომ ეს პიესა შექსპირს ეკუთვნის. მოკლედ შევაჯამოთ, by-ს არ ვიყენებთ, როცა არ ვიცით ვინ შეასრულა, მოქმედება, არ არის მნიშვნელოვანი თუ ვინ შეასრულა მოქმედება, ისედაც აშკარაა ვინ შეასრულა მოქმედება.